هل الاستثمار في العقارات ما زال آمناً في 2025 ؟
في وسط الضغوط الاقتصادية الحالية في سؤال بيتكرر عند كل شخص عنده مدخرات أو حتى تفكير في المستقبل: هل لسه ممكن أستثمر في العقارات في 2025؟ وهل فعلاً العقار لسه بيعتبر استثمار آمن؟ الإجابة مش بسيطة بس مش معقدة لأن سوق العقارات عمره ما كان ثابت دايماً بيتغير وبيتأثر بعوامل محلية ودولية لكن رغم التغيرات دي لسه العقار محافظ على مكانته كأحد أقوى أدوات الاستثمار خاصة في مصر والخليج في 2025 الطلب على السكن ما زال مستمر سواء من السكان المحليين أو الأجانب لأن الزيادة السكانية مستمرة والبنية التحتية بتتطور والمشروعات الحكومية بترفع قيمة المواقع بشكل غير مباشر وده بيخلي الناس تدور على فرص داخل عقارات 2025 تكون ذكية ومحسوبة.
اللي بيحصل حالياً في مصر مثلاً بيأكد إن سوق العقارات رغم التحديات لسه محتفظ بجاذبيته صحيح الأسعار ارتفعت والمنافسة زادت لكن لسه في ناس بتشتري ولسه في مشاريع جديدة بتطلع ولسه في ناس بتستثمر بذكاء اللي اتغير هو طريقة التفكير مش أكتر الناس مبقتش تشتري أي حاجة في أي مكان لأ بقى في وعي أكتر والمستثمر بقى بيدور على المناطق اللي فيها نمو حقيقي أو فيها خدمات بتزيد من قيمة العقار مستقبلاً العاصمة الإدارية العلمين الجديدة، زايد، ٦ أكتوبر ، رأس الحكمة ، البحر الاحمر كل المناطق دي بقت نماذج واضحة على إن لسه في فرص قوية بس محتاجة عين خبيرة وعقل متزن ده غير إن طبيعة الاستثمار العقاري في مصر بقت متفرعة فيه ناس بتستثمر في الشقق وناس بتروح للمحلات التجارية وناس بتركز على الوحدات الفندقية أو الشقق المفروشة للإيجار.
في الخليج نفس الوضع تقريباً لكن مع فرق رئيسي في حجم الدعم الحكومي وحجم السيولة الموجودة في السوق في السعودية مثلاً مستقبل الاستثمار العقاري واضح جداً خصوصاً مع المشاريع العملاقة اللي بتتبني ضمن رؤية 2030 زي نيوم والقدية ومشاريع اخري الدولة بتشجع الاستثمار وبتفتح مجالات ضخمة للشراكات وبتحاول تدفع عجلة التملك عند المواطنين في نفس الوقت الطلب على العقارات في المدن التانية غير الرياض وجدة بدأ يزيد لأن في ناس كتير بقت تدور على جودة حياة أعلى وده خلق نوع جديد من التحركات داخل السوق وده كله بيأكد إن سوق العقارات في السعودية مش واعد لكن كمان داخل على فترة انتعاش وتوسع غير مسبوقة.
في الإمارات الوضع مختلف شوية لكنه برضو بيحمل فرص ممتازة دبي مثلاً دايماً كانت مركز جذب عالمي وسوق العقارات هناك بيعتمد على التنوع في الطلب في مستثمرين بيدوروا على عائد سريع من خلال الإيجارات السياحية وفي ناس بتشتري علشان الإقامة الذهبية وفي ناس تانية بتحول أصولها لعقارات لحماية رأس المال يعني تنوع الطلب بيخلق استقرار نسبي في السوق حتى لو حصلت موجات ركود مؤقتة ومن هنا ييجي دور تحليل اتجاهات سوق العقارات في مصر والخليج لأن ده المفتاح اللي بيخلينا نعرف نتحرك صح ونستثمر وقتنا وفلوسنا في المكان اللي فعلاً بيستاهل.
تحليل الاتجاهات بيورينا مثلاً إن في مصر الإقبال على الشراء بالدفع الطويل بقى أكبر وإن في الخليج المشروعات المدمجة اللي بتجمع بين السكن والعمل والترفيه بقت هي التريند المستثمر الذكي دلوقتي هو اللي بيقرأ الاتجاهات دي ويشوف هو فين وسطها هل يشتري علشان يبيع بعد سنة؟ ولا يشتري علشان يأجر؟ ولا يدخل شراكة في مشروع تجاري عقاري؟ الإجابة هتفرق من شخص للتاني لكن المشترك في كل الحالات هو إن الاستثمار لازم يكون مبني على فهم حقيقي للسوق مش على مجرد إحساس.
الناس اللي بتسأل هل لسه العقار استثمار آمن؟ لازم تبص على الأرقام والمؤشرات مش بس على آراء الناس العقار مش بيطلع أرباح يوم فيوم لكنه بيحافظ على القيمة وده في حد ذاته أمان حقيقي لما الجنيه يتأثر أو الدولار يطلع وينزل العقار بيبقى ثابت نسبياً وده السبب اللي بيخلي ناس كتير تلجأ ليه مش بس في مصر لكن في السعودية والإمارات ده غير إن في فئات جديدة دخلت السوق زي المصريين اللي شغالين في الخارج وبيحاولوا يرجعوا يستثمروا في بلدهم وده زود الطلب أكتر في مناطق معينة.
المهم في 2025 ضروري تستثمر عقار في الوقت الصح في المكان الصح وللهدف الصح لأن مش كل استثمار في العقارات ناجح لكن كل استثمار ناجح في العقارات بيكون محسوب بدقة العقار لسه فرصة عظيمة بس مش لأي حد ومش في أي مكان ولا في أي وقت لازم يكون في تحليل وتخطيط ومرونة في اتخاذ القرار اللي بيدخل السوق النهارده لازم يكون فاهم إنه بيتعامل مع مجال بيتغير بسرعة وبيأثر ويتأثر بعوامل كتير زي الفايدة سعر الصرف والتشريعات والمنافسة.
واحدة من أهم الحاجات اللي لازم أي حد يفهمها في 2025 إنه الاستثمار العقاري مش بيقف عند حدود الشراء فقط لكن كمان بيتوسع في فكرة التشغيل والعائد المستمر وده اللي بيخلي ناس كتير تفضل إنها تشتري وحدة وتجهزها للإيجار بدل ما تسيبها مغلقة لأن حركة الإيجار نفسها في تطور مستمر خاصة مع زيادة الطلب من شريحة المغتربين والطلاب والشركات الصغيرة يعني في ناس بقت بتشتري شقق في المدن الجديدة أو المناطق الحيوية مش علشان تبيعها لكن علشان تضمن دخل شهري ثابت وده نوع من أنواع الاستثمار الآمن اللي بيوفر حماية من التضخم وفي نفس الوقت ما بيتأثرش بتقلبات الأسواق السريعة.
ولو رجعنا لسوق السعودي هنلاقي إن في نوع من التوسع الأفقي بيحصل المدن مش بس بتكبر لكن كمان بتتشبع بالخدمات والمرافق وده بيأثر على قيمة العقارات حتى في الأماكن اللي كانت قبل كده مهملة أو مش مرغوب فيها ومع الدعم الكبير اللي الحكومة بتقدمه للمواطنين سواء في التمويل العقاري أو تسهيلات التملك بقينا نشوف مشاريع عقارية بتنتشر مش بس في الرياض أو جدة لكن كمان في مناطق زي القصيم وأبها وده بيفتح باب جديد للمستثمرين اللي عايزين يدخلوا السوق في مرحلة مبكرة قبل ما الأسعار ترتفع.
أما في الإمارات وبالذات في دبي الاتجاه بقى نحو الاستثمار الذكي يعني ناس بقت بتشتري وحدات صغيرة في مشاريع جديدة بتقدم خدمات كاملة ومرافق ذكية علشان تضمن إن الوحدة تكون دايماً مطلوبة سواء للبيع أو الإيجار وده جزء أساسي في تحليل اتجاهات سوق العقارات في الخليج لأن الطلب مش بس بقى على الموقع لكن كمان على جودة الحياة والخدمات المرتبطة بالمكان وده غير تماماً شكل السوق اللي كنا متعودين عليه زمان.
في الآخر اللي يقدر يحلل كل ده ويقارن ويختار صح هو اللي يقدر يقول بكل ثقة إن استثماره في عقارات 2025 كان فعلاً قرار ذكي ومربح.